0المنتجات

لا توجد لديك منتجات في عربة التسوق

Product was successfully added to your shopping cart.
عشر متطلبات للرجالة أبسط مما كنتي تتخيلي!

عشر متطلبات للرجالة أبسط مما كنتي تتخيلي!

شهر مارس من كل سنة، بنحتفل بعيد الأم، هدايا من كل نوع، عشان اليوم ده يعدي بسلام من غير زعل ولا نكد وقمص. لو سألت اي ست عايزة إيه، طلباتك إيه، نجيبلك إيه،

هتلاقي وبلا تردد إجابة نموذجية، تتقنها الست المصرية، مش عايزة حاجة، كفاية وجودك أو وجودكم جمبي. لكن في الحقيقة، اليوم مش هيعدي علي خير أبداً من غير هدية.

دي متطلبات الست، دايماً تبان بسيطة من برا لكنها معقدة جداً جداً من جوا، مليانة تفاصيل، تعابير، تلميحات، إيماءات، نظرات وطبعاً ملايين من الكلمات والجمل المستخبية

ورا كلمة "شكراً، ما تتعبش نفسك" "مش عايزة هدية". علي النقيض، الراجل متطلباته بسيطة جداً، حتي وإن بدت في ظاهرها صعبة، حتي لو كان رجل صعب في إرضاءه في العموم،

إلا إن متطلباته اليومية في الواقع، دائماً وأبداً غاية في البساطة... اللي جاي عشر متطلبات للراجل، عمرك ما توقعتي أهميتها بالنسبة له، برغم بساطتها، انتي بس محتاجة

تفهمي الوقت المظبوط لكل حاجة محتاجها الراجل!

- وقت التقدير

المجهود اليومي اللي كل راجل بيقوم بيه، سواء في الشغل، أو في البيت، مجهود يستحق التقدير في حد ذاته، في كل مناسبة دايماً افتكري وقت التقدير، سواء بكلمة شكراً،

بهدية بسيطة، بمفاجئة لطيفة، كل حاجة مهما كانت بسيطة، التقدير بيدي لها قيمة لكل راجل.

- وقت البلاي ستيشن

روح الطفل جوا أي راجل بتطلع أول ما يلمح الجوي ستيك، أو دراع البلاي ستيشن، للأسف ممكن سهرة اللعب تستمر لحد الصبح وينسي الراجل فيها نفسه، حاولي تتفهمي الشغف

للعبة وما تقابليش ده بأي لوم.

- وقت سفرية الأصحاب

أكيد بيحب يسافر معاكي ومع أولاده، بس دايماً في حنين لسفرية الصحاب الرجالة لوحدهم، يفتكروا فيها سفريات زمان، وياخد استراحة من المسؤولية، الفترة دي صحية جداً

لجميع الأطراف.

- وقت لعب الكورة

لعب الكورة مهم جداً لأغلب الرجالة، طاقة بتطلع، شحنة غضب، ضحك، أو حتي زعيق بتطلع في الوقت ده مع تجديد نشاط وحيوية، الراجل مش بيلاقيه غير بس في لعب الكورة.

- وقت المشاوير، خلصيه لوحدك

لو مشاوير مش مستاهلة إن الراجل يكون موجود معاكي فيها، حاولي تتفهمي ده، وتعمليه لوحدك، لأن وقت المشاوير مش أحسن وقت بيقضيه الراجل.

- وقت السواقة، هو عارف بيعمل إيه

كتير من الستات بيوجهوا لوم ونقد لطريقة قيادة الراجل للعربية، لو مش بتسوقي، خليكي دايماً واثقة إنه بيعرف يسوق وعارف هو بيعمل إيه.

- وقت الجيم، عاااااش

الجيم، الرياضة، الدايت، كلمات وقعها صعب علي أي راجل، دايماً شجعيه، اهتمي بأكله لو في الدايت، تفهمي صعوبة الوقت ده لأن فسيولوجياً الجسم في حالة حرمان من أكلات، نظام وعناصر غذائية اتعود عليها.

- وقت الماتش

اوعي تفكري تغيري القناة عشان المسلسل اللي بتحبيه، المسلسل بيتعاد، لكن الماتش لأ، افتكري التحذير ده!

- وقت الشوبينج

الراجل مش بيفرق معاه إنه يشتري حاجة من ماركة غالية، لو ليها بديل من ماركة بسعر أقل، أكيد هيفضل إنه يشتريها، لأن الرجالة أغلبهم عمليين جداً، وبالنسبة له مش هيفرق لو دفعتي فلوس كتير في حاجة كان ممكن تجيبي زيها بسعر أقل، حاولي توفري!

- وقت الكلام

خليكي دايماً أول حد هو عايز يحكي له، يحكي عنه، يفكر فيه، يحب يشاركه، وده مش هيجي غير بعد وقت كتير ومجموعة خبرات تخلي الراجل يثق فيكي.

- ساعات يد البا من العربى جروب

تابعي ساعات يد ألبا دايماً عشان تعرفي نصايح أكتر، واتعرفي علي وقت التقدير من ألبا علي صفحة فيس بوك (ساعات ألبا مصر)، 

ألبا بتقدم تخفيضات علي موديلات الساعات الرجالي فقط، بخصم يصل إلي 15%، لو اشتريتي ساعة ألبا أونلاين مع توصيل مجاني للقاهرة الكبري والأسكندرية،

عشان تعرفي تقدريه!

يجب عليك الدخول الي حسابك لتتمكن من ترك تعليق

أضغط هنا للدخول الي الحساب